Është arrestuar sot aktivistja e PSD-së, Donjeta Demolli.

Kështu ka bërë të ditur kryetari i PSD-së, Dardan Molliqaj i cili ka kërkuar lirimin e menjëhershëm të saj, përcjell Arbresh.info

Përmes një postimi në Facebook, Mulliqi ka akuzuar pushtetin e kryeministrit Albin Kurti për arrestimin e Demollit teksa ka thënë se “Kosovës po ia sjell Zajednicën”.

Postimi i plotë

I papranueshëm arrestimi i aktivistes së PSD-së Donjeta Demolli.
Pushtetit i Albin Kurtit, që Kosovës po ia sjell Zajednicën, po i pengon një parullë që e tregon të vërtetën për të. Po i pengon zëri i tij kur dikur e mohonte këtë Zajednicë. Po i pengon vetja kur shihet në pasqyrë!
Por Albin Kurti e di më mirë se kushdo: nuk mund të ketë qetësi e normalitet, me Zajednicën që po ia sjell Kosovës. E mbase kjo po i pengon më së shumti.
Kërkojmë menjëherë lirimin e aktivistes së PSD-së Donjeta Demolli!